尋日NBA常規賽大戰，勒邦占士（右）攻入22分、12個籃板及14次助攻，食出「大三元」帶領湖人主場以112比104擊敗有「一眉道人」安東尼戴維斯（左）壓陣的塘鵝。近日盛傳湖人想招攬安東尼戴維斯，賽前「大帝」亦開口希望同「一眉道人」合作，呢番言論引嚟塘鵝主帥真特利不滿：「呢個明顯係非法斟介，如果呢番說話出自球隊經理，肯定會被罰非法斟介！」
