榜首大戰炒起港會愉園10連勝!

「香港甲組聯賽」昨晚港會場上演榜首大戰,由港會主場迎戰愉園。客軍憑李志豪先開紀錄,加上安度美斯連入兩球,最終以3比0擊敗上屆甲組冠軍港會,豪取10連勝。

比賽初段,雙方於中場拉鋸,戰至20分鐘,愉園得角球機會,中堅李志豪衝頂破網。落後的港會隨即反撲,24分鐘,前鋒米高堪士轉身抽射僅告高出。30分鐘愉園差點再下一城,馬希卡歷開出角球,接應的陳立明頭槌攻門被港會門將杜馬撲出。隨後的角球機會,安度美斯於混戰中撞射被擋,補射的摩域治又未能命中。上半場尾段,愉園再入一球,右翼袁世傑博得12碼,由安度美斯主射入網,助愉園以2比0領先半場。

安度美斯梅開二度

易邊後,港會主動搶攻力求收復失地,可惜左翼羅賓士高抽射高出,中場比亞提同中堅夏景亮的勁射又未能「中框」,反被愉園趁機打反擊製造威脅,其中袁世傑右路避過守衞後,窄位勁射甚具威脅,可惜被杜馬沒收。直到89分鐘,射手安度美斯接應馬希卡歷直線,單刀射破杜馬,為愉園鎖定3比0勝局。賽後愉園以30分續排榜首,領先第2位的港會10分。

贏波後愉園教練岑國培表示︰「球隊發揮好好,做得晒我嘅要求,到最後港會不斷斬高波埋嚟,好彩啲外援發揮出應有水準。今場都見到華人年輕球員進步,希望佢哋今季攞多啲經驗,下季衝超嘅時候會容易啲應付。」

圖/文︰陳焌鏗