冠忠南區蓄銳硬撼傑志
今日菁英盃頭場B組賽事於下午2時30分開波，由冠忠南區於假斧山道運動場擺陣，迎戰衞冕的傑志。冠忠南區過去3星期都未有比賽，主教練鄭兆聰（Ricky）則表示「啱啱好」，因為正好讓負傷的球員有時間恢復，能以最佳狀態迎接菁英盃首戰。
Ricky指出︰「呢段時間對我哋嚟講係好嘅，可以有機會休息同調整吓，尤其之前我哋有好多傷兵，譬如狄卡奧同史必都係得7、8成狀態比賽。」與此同時，冠忠南區剛宣布簽入前香港青年軍代表叢振洪（Chris），此子現年20歲，司職防守中場，據悉Chris於上季已隨隊跟操，最近於澳洲學成歸來，故順理成章將他收歸旗下，更有望與陣中另外兩位U22球員門將蔡子濤及中場陳凱柏在今仗披甲。
「藍鳥」羅梓駿鄭展龍有望復出
另邊廂，傑志日前於聯賽不敵富力R&F，跨季31場不敗斷纜，主教練朱志光指輸波全因球隊在應付高空波時缺乏優勢，精神亦不夠集中所致，必需盡快改善。不過，朱Sir亦稱不會過於責怪球員，以免令球員失去信心。陣容方面，「藍鳥」陣中合共有6名U22球員，包括有翼鋒于楊、鄭展龍、中場巴拉克、陳晉一及後衞羅梓駿與周衍丞，其中羅梓駿及鄭展龍有傷均於上周中一仗缺陣，惟傷勢不算嚴重，可望趕及在今仗上陣。