富力R&F東方龍獅冤家聚頭
菁英盃A組首輪另一場賽事，由富力R&F對東方龍獅於今午5時30分假青衣運動場交鋒。兩軍在季初曾交手，最終由東方險勝，今仗再於菁英盃對撼，激戰可期！
連同上周中對傑志一仗，富力R&F將迎來5日內第2場比賽，主教練楊正光明言正選陣容會有所調整：「第一，因為兩場比賽好近。第二，因應菁英盃嘅原則，我哋希望多少少年輕球員可以參與。」對於3位首次參與職業聯賽的小將曾通明、麥富城、李卓翰，「光sir」喜見他們有進步：「對比起東方有踢過港超嘅後生仔，佢哋經驗係會蝕底啲，但係經過呢幾個月嘅訓練，佢哋有好大嘅提升，無論喺對抗上、速度上，仲有技術上都進步唔少。」據「光Sir」透露，早前受傷的曾通明已康復，今仗可候命，至於寧安則仍有傷在身。
「牛丸」讚茹子楠進步明顯
至於暫列聯賽榜首的東方龍獅，已接近一個月沒有比賽，主教練陳婉婷表明今仗用人會以狀態行先。對於陣中3位年輕球員，「牛丸」讚不絕口：「茹子楠今季跟足訓練，進步好明顯，喺菁英盃佢會係其中一個重心；陳靜謙則要兼顧學業又要練波，夠晒勤力。至於預備組提升上嚟嘅Naveed（王力威），佢有速度上嘅優勢，我相信佢會畀到衝擊大家。」