港隊乘勝撼北韓！
正在台北出戰EAFF E-1東亞足球錦標賽2019第二圈賽事的香港隊，繼首仗戰勝東道主中華台北，今午3時10分迎來最大挑戰，於台北田徑場硬撼同組最強對手北韓！主教練韋特自信港隊能贏波而回：「香港隊之前對北韓從未贏過，今日我哋要打破宿命，好有信心去創造歷史！」
港隊前日在有驚無險下，憑着麥基和「後備奇兵」鍾偉強的入球，以2比1擊敗主隊中華台北。3日內連踢兩仗，港隊昨日並未有如常操練，只進行恢復訓練。體能教練皮亞斯透露眾將狀態良好，目前只有一兩名在首仗上陣的球員帶有輕傷，期望治療後可上陣。他續指由於球員在比賽後或較難入睡，為協助球員放鬆，昨日安排了額外的睡眠時間，盼球員能以最佳狀態應戰強敵。
郭嘉諾：對手唔齊腳好機會
北韓首仗4比1大破蒙古，有入場觀戰的港隊助教郭嘉諾揚言要以擊敗北韓為目標：「北韓所入幾球波都係嚟自蒙古嘅失誤，我哋希望進取啲、爭取到入球。雖然要出線唔一定要贏，可以靠得失球壓過對手，但為免夜長夢多，喺佢哋唔算完整陣容之下，點都要贏番佢哋一次！」「郭Sir」認為北韓實力較之前弱：「北韓今次個陣容比對上幾次冇咁完整，始終佢哋3位外流球員朴光龍、韓光宋同李榮直都唔在陣中，港隊上幾次對佢哋，佢哋都係『夫添』，今次相比下冇咁強，我覺得係時候贏佢哋！」
奧運外圍賽女子隊今鬥伊朗
同日港女子隊下午4時出戰2020東京奧運女子足球亞洲區外圍賽第一圈第二場比賽，在泰國春武里府體育學院球場對陣伊朗。由於同組的澳門和阿聯酋退賽，首戰大破黎巴嫩的港隊已鎖定出線，教練列卡度表示會沿用原班人腳應戰；而上場入球功臣鄺穎茵稱，球隊刻意部署嚴防對方高空轟炸，希望憑突擊取勝。
文：陳焌鏗