韋特倒戈贏波錫晒鍾偉強

港隊主帥韋特帶領球隊出戰首個正式賽事便要倒戈，他排出了4-3-2-1陣式，防線由丹尼、法圖斯、羅素和曾錦濤組成，中場黃洋夥拍黃威和辛祖，麥基和徐德帥支援單箭頭基奧。港隊開賽表現進取，11分鐘辛祖左邊底線傳入禁區，主隊門將潘文傑失位，惜遠柱接應的麥基面對空門未能把握，錯失了先開紀錄的良機。港隊轉個頭更差點先失，吳俊青禁區內衝頂，皮球如箭般飛向港隊大門，幸葉鴻輝反應夠快，飛身單手將皮球托出底線。20分鐘後港隊再有破關機會，法圖斯禁區內接應羅素的二傳一頂，被主隊後衞成功護空門，雙方半場互無紀錄。

麥基頭槌先開紀錄

換邊後主隊在50分鐘差點得手，前鋒李茂半單刀卻逃不過葉鴻輝。65分鐘賽事終於出現入球，徐德帥右路傳中，麥基遠柱化身「飛將軍」一頂破網。74分鐘他又在禁區內勁射，惟太正被潘文傑一抱入懷。落後的主隊力追下在81分鐘憑中堅陳庭揚門前混戰快腳篤入扳平1比1。可惜主場球迷開心不到3分鐘，又再目睹球隊落後，後備入替徐德帥的和富大埔中場鍾偉強，禁區內冷靜射入奠勝球。入球一刻韋特興奮狂叫，並與「愛將」鍾偉強情深擁抱，港隊力克中華台北響頭炮。

不少港隊支持者到場替愛隊打氣。	鍾偉強建功後與主帥韋特相擁慶祝。	鍾偉強建功後興奮狂叫我得咗喇！

多個第一次 鍾偉強心情複雜

倒戈贏波，親手終結由自己創造的台北主場7連勝紀錄，韋特賽後不忘盛讚「前度」：「估唔到咁快返嚟呢度，台北繼續畀到支持者驚喜，好開心見到佢哋不斷進步。但我冇辦法唔讚港隊每一名球員，面對防守出色嘅對手，仍然攞到好多攻勢，贏波係大家努力嘅成果。」

替港隊先開紀錄的麥基希望港隊演出一場比一場好。至於射入致勝一球的鍾偉強，賽後笑言心情非常複雜，不懂形容，他謂：「第一次入選、第一次出場、第一次入波，好多第一次！多謝球隊職員同其他球員不斷鼓勵我，知道會換我嗰刻有啲驚訝，但落到場就無諗咁多，只係知要盡自己所能！」港隊明日小組第二戰，對首戰以4比1大勝蒙古的北韓。