等足1年復出！林書豪目標最佳第6人

新一季NBA香港時間今早開鑼，焦點賽事係勇士對雷霆，不過有林書豪在陣嘅鷹隊，喺香港時間周四早上作客紐約人，一樣好多香港球迷關注。

季前賽演出Sharp醒

由於鷹隊得到超級新人迪雷楊格，林書豪喺季前賽要做後備，好在佢冇被打沉，反而把握4次上陣機會證明實力，平均每場上陣18.5分鐘有10分、3個籃板同2.7次助攻，命中率高達55.2%，包括面對灰熊10投7中有20分、2個籃板同3次助攻嘅出色表現。

事實上，林書豪喺中國嘅人氣依然好強，最近佢加入內地綜藝節目《這就是灌籃》，美式主持風格贏到唔少網民歡心，台灣音樂天王周杰倫仲講笑話，自己係J.Lin嘅服裝造型師，借咗唔少衫畀對方，有啲仲送埋畀佢，證明林書豪好有地位同市場。