佳聯元朗NOTHING TO LOSE火併冠忠南區
「中銀人壽香港超級聯賽」今午續演兩場精彩好戲，尾場上演「地區打吡」，由佳聯元朗於元朗大球場迎戰冠忠南區，這兩支開季首兩仗均有不俗演出的球隊均可以「夫添」出擊，加上經過長達兩周的休息後，雙方同樣為今場大戰準備就緒，力圖延續季初佳勢！
（on.cc東網周日下午5時30分直播）
主場出擊的佳聯元朗在上輪聯賽作客擊敗理文後，至今已有兩周沒有正式比賽，主教練郭嘉諾透露：「呢段時間我哋有踢友誼賽，亦有喺訓練強度上加強，保持球員狀態。嚟緊兩場波都係主場出擊，對我哋嚟講好重要，希望可以踢到場好波畀大家睇！」
郭嘉諾：開個靚頭唔赦強隊
接連從強隊身上取得分數，「郭Sir」指全因球隊無後顧之憂，可作多方面嘗試：「我哋個頭開得好，其實第一場我係有驚喜，第二場球員表現好好，贏波係預計之中。今季元朗畀好多空間我去試唔同陣式、戰術，加上我哋Nothing To Lose，球員進攻上都好放膽，希望全季都可以保持到。」隊長兼中堅法比奧上仗賽後，因身體不適入院接受治療，現已康復並重投訓練，與所有球員均可候命。
聯賽首兩輪分別擊敗凱景及夢想FC的冠忠南區，跟佳聯元朗同樣度過了兩星期的休戰期，主教練鄭兆聰認為，聯賽大部分球隊，分別因受颱風影響或賽程安排等不同因素，至今仍未達到最佳狀態︰「呢一刻冇一隊波狀態係百分之百，可能要累積到4、5場波，球員狀態先會好，不過目前我都滿意球隊狀況。」對於球隊在首兩仗的入球由5位不同球員包辦，「Ricky Sir」雖就此感到高興，但就不會太早自滿︰「對球隊嚟講係一個好現象，代表我哋多進攻範疇，但係可能比較早去下判斷，希望球隊可以繼續進步落去。」
對於季初取得不俗成績的佳聯元朗，鄭兆聰亦強調不會輕視對手︰「元朗雖然比較遲組班，但係開季可以和到大埔同作客贏理文，賽果令我哋對呢場波要有所警惕，畢竟元朗喺2場波入咗6球，所以我好肯定球員都唔會輕敵。」