和富大埔凱景變陣搶W
「高級組銀牌賽」今晚8時續假旺角大球場上演首圈賽事，由和富大埔火併凱景，雙方主帥基於不同理由，均表明今仗可能作出人腳或陣式調動。在港超首兩仗分別對佳聯元朗及香港飛馬錄得4比4及4比3的大埔，主教練李志堅強調要就防守對症下藥，相反凱景則因隊中外援仍未完成註冊手續，主帥馮凱文決定變陣應戰。賽事門票80元，另設優惠票30元。
於港超首兩輪賽事均與對手合演「入球騷」的和富大埔，除今晚一仗外，下周二和周六先後在聯賽作客夢想FC，以及社區盃火併傑志；9日內連踢3場，主教練李志堅認為頻密賽程，有助球隊將應付本地及亞洲賽事「兩條戰線」進行預演，但對於首兩仗共失7球感不滿，不排除陣式上有所改動︰「其實當知道要打亞協，都有備戰或預演嘅諗法，好彩唔係連續兩場聯賽一齊打。球隊開季聯賽1勝1和但唔算滿意，喺呢兩場盃賽會有一啲演練以及球員調配。」至於銀牌首圈面對港超新軍凱景，「堅Sir」認為出戰盃賽亦不能掉以輕心，因為盃賽一場過，可以守到加時再互射12碼，包袱冇咁大可以踢得放啲。
為防守作針對性訓練
港超新軍凱景早前作客香港仔運動場，曾一度憑安基斯追和，惜終以1比3不敵冠忠南區。主教練馮凱文雖坦言球隊仍有進步空間，但認為以首次出戰港超的新軍而言，可算有交代：「上場對南區賽果唔係最重要，始終係球隊新埋班第一場比賽，我睇到一班年輕球員踢出拚勁，落後都冇放棄繼續踢。當然上場打反擊其實前場處理可以做好啲，部分失球亦可以避免，所以球隊就加強防守做咗針對性訓練。」
凱景金曙珍及徐相民兩位南韓外援，至今仍未完成註冊手續，中場劉德仁則於日前傷及膝部韌帶，將休養1至2個月。