東方龍獅激撼富力R&F
「中銀人壽香港超級聯賽」首輪壓軸大戰，東方龍獅今午於主場香港大球場激鬥富力R&F。兩軍今季增兵積極，劍指各項錦標，5千萬大軍富力R&F找來楊正光任主教練，東方龍獅亦有陳婉婷重掌帥印，為求「開靚個頭」必盡出法寶，兩隊「Fresh味」十足，新舊球員磨合必成勝負關鍵！（on.cc東網周日下午5時30分直播）
東方龍獅經歷一個失望的球季後，除簽下多名球員外，「牛丸」陳婉婷亦重回主教練一職。球隊早前到佛山及南韓集訓，「牛丸」對進度感滿意：「無論係體能，定戰術上嘅磨合、調整，仲有心態都唔錯，所以我哋好期待第一場比賽。」隊中林嘉緯、謝朗軒及姚浩明上月隨港隊出戰亞運，「牛丸」雖稱有影響，但她同時指對球員，特別是上陣較多的林嘉緯催谷體能狀態有幫助。
東方西甲兵荷西安祖考牌戰
今季球隊主場由旺角大球場改為香港大球場，「牛丸」表示：「球員要啲時間適應，大球場會有利我哋主攻，但攻守轉換個反應一定要快！」球隊早前公布西班牙中堅荷西安祖加盟，此子曾於西甲打滾，球會更形容其為「最後一塊拼圖」，今仗面對有多名進攻好手的富力，絕對是他的「考牌戰」。
光Sir：人腳充裕變化多咗
富力R&F今季大變身，一口氣簽下8位本地好手，另獲廣州富力借出港隊中場陳俊樂，「楊Sir」楊正光透露早前拉隊到泰國集訓，對球員溝通有增益，問及期間曾以5比1大勝泰超球隊春武里，「楊Sir」表示：「春武里派出嘅球員大部分都未必係正選球員，但嗰場我哋發揮得唔錯，唔同嘅入球元素都有，罰球、組織瓣瓣有，加上人腳調動充足，可以有多啲變化。」今戰面對曾在2015/16球季執教過的東方，「楊Sir」指：「要擊敗每隊對手都會有唔同嘅困難，所以我成日灌輸球員，冇比賽係容易嘅。東方今季雖然喺教練、球員都有變動，但第一場波對我哋嚟講非常之緊要。」