風之隊3銀到手 陳敬然：堅持先成功
經過最後一日比賽，昨日香港「風之隊」的3面銀牌終於到手，雖然港隊與去屆相比缺少金牌，但總教練陳敬然指出戰RS ONE混合隊際賽的兩位年輕小將，馬君正及何允輝有驚喜表現，期望可成為新血的榜樣！
馬君正及何允輝首次踏足亞運舞台就摘銀而回，兩人合作無間兼進步神速，陳敬然指未來隊內的奧運選拔賽或更激烈，不過最重要是向年輕運動員證明，堅持才會有機會走向成功：「年輕人好多時轉全職一、兩年，就會質疑決定係咪啱？運動員呢條路好長，亦唔易行，希望佢哋唔好行一步就放棄，佢兩個肯堅持，結果企上頒獎台就係佢哋。寄語想成為運動員嘅年輕人，鍾意想做就做，唔好諗結果，總有一日會得！」
馬君正「21年來最好生日禮物」
昨日碰巧21歲生辰的馬君正，揚言銀牌是21年來最好的生日禮物，不過她指銀牌並非只屬自己：「其實要靠台前幕後好多人，呢項運動較冷門，有好多辛酸不為人知，工作人員日曬雨淋．好感恩有佢哋支持。」