「冷熱組合」不言棄首奪麥迪遜
男子麥迪遜昨日上演，港隊世界盃和亞錦賽冠軍組合梁峻榮、張敬樂上場，今場賽事由南韓、香港和日本惡鬥，南韓在第120個圈衝刺開始，就連續4個衝刺圈都有分落袋，香港初段多次以第3和第4名衝刺，令分數一直落後。直到南韓、香港和日本齊齊超圈，穩佔頭3名。港隊於第40圈曾一度追至6分差，但南韓下一圈再以首名衝線，拉開差距至10分。賽事進入最後26個圈，南韓車手「爆胎」後，港隊重燃衝金希望，先後兩次以首名衝線後，「肥榮」及「阿樂」已奪得金牌，賽後張敬樂走到看台邊與媽媽擁抱，場面感人。
阿樂「我愛你」感激媽咪
賽後「阿樂」稱賽後與媽媽第一句說話，就是「我愛你」：「有媽咪嚟支持我，我更加努力去爭金。對上兩屆一銀一銅，今屆終於儲齊金銀銅。」雖因南韓隊的失誤，令香港登上頒獎台最高位置，但「阿樂」表示今次賽事吸取到寶貴經驗：「比賽教咗我好多道理，就係未到最後一刻都要堅持落去，如果我哋冇堅持，就唔會有呢個金牌。」已經贏盡世界盃、亞錦賽和亞運，這對「冷熱組合」下個目標自然是2020東京奧運：「嚟緊2020重點會放喺麥迪遜，單車隊請咗新嘅法國教練，佢都睇好我同阿樂，有能力喺東京拎獎。」
除男子麥迪遜外，女子麥迪遜組合逄瑤、楊倩玉亦為港隊多添一面銀牌。