凱景首騷挑機冠忠南區
「中銀人壽香港超級聯賽」今日續演兩場首輪賽事，頭場下午2時30分假香港仔運動場舉行，由冠忠南區主場迎戰新軍凱景。
今夏先後引入迪亞高、卡拉錫、狄卡奧及高美斯4位外援的冠忠南區，早前赴泰國集訓，友賽首仗不敵泰國亞運隊，隨後3仗面對當地不同級別的球隊均能贏波。主教練鄭兆聰（Ricky）表示，集訓得出不錯的成效︰「喺泰國集訓並唔容易，畢竟都係友誼賽，最主要想加強球隊默契，效果亦幾理想，特別係新球員融入得好好。」「Ricky Sir」又強調，不會因在季前友賽贏過對手而鬆懈︰「始終友誼賽同正式比賽唔同，加上呢排天氣唔穩定，場地可能會好濕滑。我哋喺防守方面要集中，進攻要好有耐性，只要部署執行得好，就有信心踢得好。」
馮凱文倒戈：香港仔場惡踢呀
以培訓年輕球員為旗號的凱景，隊中金曙珍及徐相民兩位南韓外援仍未辦妥工作證，因此未能趕及於今仗上陣。球隊季前先後跟多支港超球隊友賽，均告落敗而回，主教練馮凱文表示，藉友賽對球員增加認識，比賽果更重要，曾執教過南區的他坦言，在南區主場出戰並不易踢︰「球隊喺一個新環境第一次合作，好多嘢都要去試。我哋同南區係對過，但唔可以作準。對手各方面都一定喺我哋之上，香港仔呢個場地亦唔易應付，但起碼我對球員都多咗了解，球隊目標係先做好防守，即使落敗，最重要球員有盡力，希望唔好因為失太多波而影響信心。」
