連環上演大逆轉包辦金銀港壁兄弟堅勁
港隊確保亞運第3金！亞運壁球男單準決賽昨日舉行，兩位港將歐鎮銘（Leo）及李浩賢（Max）分途出擊，結果同樣上演逆轉劇本，齊齊在先失兩局下連追3局反勝，為香港首次包辦男子單打決賽席位，穩奪1金1銀，寫下香港壁球歷史新章，同時亦是繼2002年趙詠賢於釜山亞運獲女單冠軍，事隔16後港隊再於壁球項目摘金！
世界排名21的Leo昨日率先出場，惡鬥32歲印度球手高素，高素憑準確及刁鑽的擊球，先連取兩局12比10及13比11，惟Leo在第3局開始反擊，乘高素體力開始下降接連搶分，最終以11比6、11比5及11比6連下三城，搶得決賽入場劵。壓軸出場的隊友Max亦不甘示弱，4強火併馬來西亞球手拿艾蘭，即使首兩局因慢熱被對方控制節奏，連輸5比11、6比11，幸他及時調整追回兩局11比5，最終更在決勝局與對手拉鋸下，險勝11比9，與隊友攜手殺入決賽，今日上演「港隊內訌」，決定金牌誰屬！
靠勇氣突破 Max：波係圓嘅
「波係圓嘅！」賽後Max表示世事總是意想不到，他笑稱落後兩局時，儘管教練及觀眾都為他擔心，但他卻沒想太多，選擇放手一搏：「落到場除咗聽指示，仲要靠自己，壁球得1個波、兩個人、3個球證同4面牆，遇到困難嘅時候，有時要靠勇氣去突破，無論結果係點，起碼都叫試過，今場波就體會到呢種奇妙嘅感覺！」
就算打到滿頭大汗，Max於場上的每一球都是「笑住打」，享受比賽是他的得着：「自從受傷之後，由練番波、打番波，到可以嚟到呢度，我諗唔到有咩係唔值得開心。興奮未必係因為贏比賽，更多係享受呢場比賽。」
今日舉行的決賽，彷彿是將「香港公開賽」搬到印尼雅加達舉行，Max笑指已開始緊張，惟最重要仍是為香港人，甚至香港壁球，獻上一場好波：「大家可以純粹興奮，希望會係Good Show，亞運會除咗贏輸之外，仲想更多人享受運動，希望今場可以呈現呢樣嘢啦！」