地獄場館突圍穩奪牌 謝影雪鄧俊文：我哋目標係金色

上月初鄧俊文、謝影雪在印尼公開賽同一場地首圈不敵泰國組合普華拉魯哥、泰拉坦娜齊，昨仗8強賽事再次交手，兩人第一局以21比13輕鬆取勝，但第二局「左手配」在領先下一度被逆轉，幸好之後二人沉着應戰，雙方激戰至「刁時」，最後以22比20贏波，成功殺入4強。

復仇成功今鍊宿敵

對香港球員來說，印尼這個場館是地獄場館，印尼的觀眾打氣聲震耳欲聾，鄧俊文坦言他倆開始習慣：「可能打咗2次算有經驗，今次適應少少，一入去自己好快入局，冇畀聲浪影響。」鄧謝配將迎來首面亞運獎牌，但他們的目標並不止於此：「我哋目標係金色，會盡力發揮，打得好過平時，就咩都有可能。」「鄧謝配」4強的對手，正正是二人宿敵、中國組合王懿律、黃東萍，論對賽成績香港以1勝2負落後，期待兩人能再次擊敗對手。

另一隊混雙組合周凱華、李晉熙以局數1比2不敵東道主印尼組合，未能晉級4強。至於男單黃永棋和伍家朗齊齊晉級8強，女單張雁宜和葉姵延則16強出局。