勞高熱身賽生猛堅Sir大讚

港超聯球會和富大埔與凱景昨早假九龍灣公園進行熱身賽，大埔憑勞高、哈利及伊高沙托尼各入一球，以3比0擊敗凱景。

賽後和富大埔主教練李志堅對球員磨合情況感到滿意：「今場波主要睇新球員磨合，OK啦！不過要再進一步就要佢哋再去遷就球隊多一啲。」「堅Sir」亦大讚今場表現生猛的勞高：「佢喺前後配合都好積極，無論有波冇波，佢都有好多跑動、好肯遠射，相信好快融入到球隊。」

凱景主教練馮凱文則謂：「賽果唔重要，最緊要係個過程。依家組軍大致完成，係睇吓有冇合適嘅外援。呢班球員可能能力同經驗差啲，但係要畀機會佢哋踢。」