肥煒披血奮戰抵讚！
儘管香港隊未能贏波，但比賽中有一種令人尊重的態度叫「堅持」！中鋒黃鎮煒在比賽中被打中眼袋，即時痛得倒地兼流血，然而「肥煒」沒有退縮，治理後貼着膠布又再落場拚搏，無懼高大兇悍的對手，這種精神實在值得敬佩。「肥煒」更希望爭取休息及復原，周日再拚南韓打場好波送給主場球迷。
負責看管籃底重責的「肥煒」，昨仗正選落場打了接近24分鐘，面對硬朗兼勢兇的新西蘭，「肥煒」最終取得2分、1個籃板及1次偷波，他賽後表示，其實港隊在強隊面前積極頑抗，都有不少「做得好」的地方：「我哋傳波速度快咗，同埋用快攻破對手緊迫做得好咗，當然我相信只要多啲比賽及鍛煉，可以更大進步。」
準備周日修頓砌南韓
「我上半場爆咗缸，輸蝕內線，加上新西蘭外圍又準，令分差拉大。」港籃要4日打兩仗，周日（7月1日）主場對「太極虎」南韓，又將是一場硬仗，「肥煒」說：「希望爭取時間休息，令身體加快復原，因南韓打法機動性強又有速度，希望可以控制節奏，用耐性同對手周旋。」港韓戰門票分80元及學生及長者優惠票50元，周日修頓票房即場發售。