「雙士戰」G2唔豬先有計！

美國傳媒日前列出數據，指杜蘭特喺西岸季後賽首圈、4強同決賽有62次運球後出手，比上年季後賽總和嘅31次多成倍，令勇士最擅長嘅跑位打法面臨瓦解，仲話若然唔係史堤芬居里及時復勇，勇士西岸決賽時已經畀火箭淘汰。

JR史密夫仲有正選打

杜蘭特嘅防守亦令人詬病，上仗防守勒邦占士時，畀對方15投10中，「大帝」拎到嘅51分有30分喺杜蘭特身上取得，睇嚟勇士同杜蘭特都要諗諗計。另一方面，騎士教練路爾保證G1發波瘟嘅JR史密夫，聽朝會繼續打正選，希望球隊保持團結，作客情況下能扳成平手。