on.cc東網直播港超煞科
本季「中銀人壽香港超級聯賽」今日煞科，最後一輪5仗同步於下午2時30分上演，東網on.cc將直播當中兩場激鬥，分別為傑志於旺角大球場對陽光元朗的「科蘭告別戰」，以及理文主場硬撼R&F富力，煞科日另一焦點莫過於和富大埔與香港飛馬爭聯賽次名一仗；至於另外兩場賽事分別為冠忠南區主場對東方龍獅、標準流浪則火併夢想FC。港超煞科日，幕幕精彩！
告別科蘭 傑志激砌陽光元朗
傑志球星科蘭將於世界盃期間為美國一間電視台擔任評述員，日內便會離港，因此今仗將是科蘭在港的告別戰。主教練朱志光賽前感謝科蘭︰「科蘭加盟時間雖短，但喺球隊嘅宣傳同表現上，帶嚟正面改變。今場會喺下半場適當時候換佢離場，接受掌聲同祝福。」
藍鳥圖創「不敗神話」
「藍鳥」今仗只要不敗，便可成為首支全季不敗之師，惟隊中傷兵頗多，「朱Sir」稱︰「嚟到季尾無論邊個落場都係靠士氣去制勝。經過成個球季，球員腦筋同心態上可能會攰，管理層同教練團就要確保球隊唔可以放鬆。」傑志今仗將穿上來季新球衣出賽，球迷可於球場內的傑志POP-UP SHOP購買。
陽光元朗自奪得高級組銀牌冠軍後，聯賽已保持7場不敗，主教練曾昭達希望能爭取更佳排名︰「球隊上季攞到第5名，希望今季保持到，雖然下季情況未落實，都想今季有個好嘅結尾。球隊一直都畀好多機會本地球員，今場喺尾段或者會畀啲踢得少嘅球員出場。」
（on.cc東網周日下午2時30分直播）
搶食尾胡 理文恭迎R&F富力
於將軍澳運動場主場出擊的理文，賽前錄得8場不勝，狀態略嫌低迷。上輪聯賽對夢想FC在領先兩球下，被對手逼和2比2，教練馮凱文指把握力可以處理更好：「練習嗰陣都喺埋門方面落工夫，同時加強訓練防守，因為近幾場波所見，我哋都係喺領先情況下好大意咁失波，希望唔好再犯一啲好簡單嘅毛病。」理文雖多次在領先下失分，惟「馮Sir」強調士氣未受打擊。
吳耀星：揀正選以狀態行先
已篤定以第7名完成球季的R&F富力，球隊主力中堅羅拔圖今仗因累積5面黃牌自動停賽，至於會否趁機讓年輕小將落場，吸取實戰經驗，球隊代理主教練吳耀星坦言，正選陣容會以球員的狀態，以至他們訓練時的表現作選人標準，其他因素不會考慮在內。
（on.cc東網周日下午2時30分直播）
文：何彥霆