和富大埔大捷望做2哥
近4仗不敗的和富大埔，昨日主場迎戰榜尾標準流浪，大埔憑隊中神射手伊高沙托尼下半場梅開二度，大勝5比1，全取3分後追到只差第2位的香港飛馬2分，在餘下兩輪賽事均擁主場優勢下，大埔將力衝港超「2哥」位置。落敗的流浪護級雖未絕望，但總監李輝立就坦言：「降班已成事實」！
雖然傑志已提前奪聯賽冠軍，但來屆亞洲賽資格仍尚餘1個名額，若「藍鳥」同時贏得足總盃冠軍，聯賽第二位將可出戰下季亞洲賽。大埔昨仗11分鐘便打開缺口，陳俊樂禁區頂施射，梁冠聰門前「加多腳」先開紀錄，6分鐘後到迪亞高補中，大埔半場領先2比0。
換邊後大埔攻勢不斷，49分鐘伊高沙托尼射門被擋，尾柱的黃威補射空門，奧力斯雖回身撲出，但球證判皮球已過白界，流浪之後亦有攻勢，惟佐佐木周近門失機，之後到「IGOR」Show Time，他在62及73分鐘梅開二度，大埔遙遙領先5球，流浪於79分鐘憑摩域治頭槌破蛋，大埔最終贏5比1全取3分。取得「士哥」的梁冠聰賽後透露今仗有「聰媽」入場支持，分外開心：「入開齋波之餘難得媽咪又嚟咗，好開心！」
標準流浪來季組班未有打算
至於流浪仍落後同日輸波的夢想FC多達8分，在聯賽只剩3場下，流浪數字上仍有機會成功護級，總監李輝立直言不諱：「今年隊波組織差，外援達唔到水平，依賴嘅華人又走晒，剩低嘅冇咩經驗，佢哋都捱埋去為前途而戰，可惜今季踢親6分波都輸，優勝劣敗，降班已經早成事實。」球迷關注流浪來季組班事宜，李輝立就透露暫未有打算。
圖/文：袁志浩