南青鬥遊協曾湛元勢打Run&Gun
南青銀牌第一擊迎遊協，甲一「新仔」曾湛元盼打出年輕活力風格取首勝！高級組銀牌今晚正式開鑼，頭場有今年注入新血的南青迎戰遊協，今季由學界踏入香港籃壇最高殿堂，一班年輕球員包括曾湛元、葉耀邦等，都希望可以爭到一個正選席位，「元仔」更坦言南青是一個很好的學習地方，在朱耀明教練的指導下學到不少：「我本來係一個防守比較弱嘅球員，但喺朱Sir身上學識防守重點同埋球場上嘅判斷能力，佢要求我哋快而準，要預測到下一步行動，唔可以渾渾噩噩影響球隊節奏。」
經驗不足體能搭夠
由季初經歷工商盃及籃總盃，埋班後的南青已經歷大概半年練習，球隊的默契增進不少：「一開始同隊友唔熟絡，但之後大家開始見多咗，慢慢熟悉之後，經驗多啲嘅隊友會教我哋好多嘢 ，畀我哋好多信心，絕對係一隊無分你我嘅球隊。」今晚銀牌首仗迎戰遊協，對手有不少經驗十足的球員，相信會同今季主打活力的南青擦出不少火花，就讀葵涌裘錦秋中學的曾湛元指出：「論經驗對手一定佔優，但我哋喺速度同體能方面可以彌補經驗不足。」
至於遊協今季加入多名猛將以新面貌示人，有「流川楓」鄭錦興領軍下，配合外圍射手Scott Ewing、來港逾7年的立陶宛球員Krisciunas Vytas（阿V）及「堯帝」黃律堯等主力，近日更簽入美國回流的小前鋒蕭鍵勳，實力指數飇升，今晚與「青春班」南青料有一番惡鬥。