其實蔡再懃在籃球場上的貴人，豈止一班教練，南華領隊洪游奕更是其籃球路上的伯樂，令阿懃這匹千里馬才有機會一展所長：「第1年打甲一效力晉龍，幾乎冇乜出場時間，加上自己淨係打過1年甲一，所以隊友同教練都未必相信我，但洪生堅持鼓勵我，仲同教練溝通，轉投南青即刻成為上陣30幾分鐘嘅主力，所以真係好多謝佢。 」
記得上次籃總盃，南華打到雙加時擊敗永倫，「阿懃」在場上打到抽筋被抬離場，贏波後洪生第一時間衝往擁抱鼓勵，場面十分熱血，亦看得出二人間的深厚感情：「洪生非常提攜年輕人，甚至由南青帶咗我去南華，喺南華亦畀咗我好多上陣機會，今年我希望交到好表現，幫助球隊衞冕銀牌同聯賽！」