菁英盃分組賽今煞科

菁英盃分組賽最後兩場今日舉行，頭場下午2時30分傑志在斧山道運動場迎戰標準流浪，尾場下午5時30分理文假青衣運動場鬥和富大埔。傑志為求小組首名出線，今場非勝不可，定必強攻標準流浪。和富大埔為爭取小組賽全勝，勢與理文上演一場激戰！

傑志爭首名強攻標準流浪

傑志周中取得亞冠盃首場勝仗，士氣大大提升。至於標準流浪，上輪聯賽臨完場逼和R&F富力，足見其韌力。兩軍今季於各項賽事3次交鋒，均由傑志勝出。現時以3戰得7分排B組次名的傑志，今仗若能擊敗標準流浪，將趕過香港飛馬，以B組首名出線4強，對手將會是夢想FC。倘若傑志取得和局或敗陣，僅能以小組次名出線，4強需要對陣力求衞冕的和富大埔。

傑志主教練朱志光表示會以平常心面對：「唔會因為爭首名而有壓力，我哋對咩對手都係盡力去踢。踢完菁英盃之後到國際賽期，要畀球員有足夠運動量，唔可以話踢完亞冠就畀佢一路係咁抖。」

標準流浪隊長摩域治

理文中場許嘉樂

和富大埔中場黃威

蘇洋：望小將繼續成長

反觀標準流浪，上輪聯賽北上作客R&F富力，在先開紀錄下一度被對手反超前，最終憑20歲小將鄧樂文的入球追和。目前3戰得3分的流浪雖無緣出線，但教練蘇洋期望年輕球員繼續成長：「菁英盃係一個好好嘅平台，畀踢得少嘅年輕球員吸收多啲比賽經驗、表現自己，爭取更多上陣時間，另外希望其他球員可以藉呢場波保持狀態。」對手力求小組首名定必出盡全力，他謂：「我哋唔會理會其他人點諗，每一場波對我哋意義都相當大，最緊要做好自己，搏到盡。」

非一般例行公事理文激戰和富大埔

理文與和富大埔今季兩次交手，和富大埔取得1勝1和。兩軍近況一般，理文近3場比賽均告落敗，和富大埔則收穫1勝1和1負，故雙方都需要一場勝仗振奮士氣！

搶W振奮士氣

目前於A組3戰得4分排第3的理文，賽前已連輸3場，狀態低迷。上輪聯賽在先開紀錄優勢下，被對手反勝，教練馮凱文稱：「上場對南區上半場踢得唔錯，但係下半場走樣，有段時間一唔集中就失波。」

由於次名出線資格已由夢想FC取得，即使理文今仗取勝仍無法取得4強席位，故馮Sir表示：「始終菁英盃係為咗培訓年輕球員，今場會畀年輕球員同較少上陣嘅球員踢。顏樂楓已經開始復操，但目前仲要戴住面罩保護住，為安全起見都會留到下場聯賽先至上陣。」

陳焌鏗報道

今日賽程