各踢半場好波 東方龍獅陽光元朗悶和
菁英盃昨午上演A組賽事，由東方龍獅於旺角大球場迎戰陽光元朗，雙方各踢半場好波，惟多次機會未能把握，最終以0比0完場，同樣以2分完成今屆菁英盃賽事。
上半場陽光元朗佔上風，開賽6分鐘射手艾華頓傳中，可惜接應的雲迪奴域炒高。17分鐘，雲迪奴域窩利抽射被東方龍獅門將何國泉抱實。受壓的東方龍獅於37分鐘搶回攻勢，黃梓浩左路傳中，省中對手再中楣彈出，門前的洛迪古斯又未能補中，雙方半場互交白卷。
「達Sir」開心有兩個收穫
下半場東方龍獅較主動，50分鐘黃梓浩左路出擊，窄位狂抽被陳嘉豪撲出。1分鐘後，徐德帥開出罰球，中堅吳偉超迎頂笠入，惜越位在先，慘食詐胡。東方龍獅前鋒林學曦77分鐘右路推大位勁射，惟角度太正被陳嘉豪一抱入懷。補時階段，東方獲絕佳入球機會，惟井川祐輔近門射高。雙方最終和氣收場，今屆同以2分「畢業」。
賽後陽光元朗主教練曾昭達表示今仗有兩個收穫：「第一個收穫係之前少踢嘅球員出嚟攞番個狀態，亦都見到表現幾好。第二個收穫係開心見到我哋嘅華人都踢得幾好。」