披港隊戰衣就交足100%
港隊於省港盃及賀歲盃均起用年輕球員出戰，教練團曾表明發揮出色的球員，有機會入選3月亞洲盃外圍賽對北韓的決選名單，「阿勇」在兩項賽事除帶領後防交足貨外，亦接連取得「士哥」，獲主教練廖俊輝大讚，「阿勇」亦有信心自己可獲提拔：「其實我每年都無揸流攤，一直好好準備等機會嚟。每次港隊都想爭取入選，總之着起港隊波衫就畀足100%！」
以陳肇麒葉鴻輝為榜樣
要在港隊立足並不容易，「阿勇」就坦言以兩位「師兄」作榜樣：「我好欣賞（陳）肇麒同阿輝（葉鴻輝），我好鐘意睇球員風光背後付出幾多嘅故事，可以令自己知道好多嘢唔係必然，稍有鬆懈就可能畀人爬過頭。當然都想有人留意我嘅故事，畀後輩睇到唔好因為出道頭幾年上陣少而放棄，與其太多怨言不如做好本份，你準備好機會未必嚟搵你，但未搵你都要準備好。」