理文挑機傑志夢想FC迎擊R&F富力
「中銀人壽香港超級聯賽」今日演直播雙響炮，頭場下午2時30分假將軍澳運動場展開，由主場戰績不俗的聯賽「4哥」理文，挑戰狀態大勇的榜首傑志；尾場則於5時30分在青衣運動場開賽，夢想FC火併R&F富力。天氣嚴寒球迷冇有怕，皆因直播好波連場為你取暖！
從去年12月起已在所有本地賽事錄得6場不敗，兼最近3連勝的理文，雖然有主力借將佐迪遭傑志收回，但教練馮凱文認為球隊士氣高漲，有望在傑志身上搶分︰「佐迪離隊對我哋進攻係有影響，但球員喺贏波後信心大咗，唔太擔心往後嘅情況。傑志實力始終好強，要贏佢哋唔易，但有信心憑耐性守住1分，最重要唔好大意犯錯。我哋開波成日唔集中導致先失波，近呢兩場其實都改善咗，今個禮拜都有喺防守方面加強，希望喺傑志身上搶到分。」理文目前僅得前鋒利馬及中場許嘉樂有微傷，兩人今仗或會先任後備。
朱志光：本地賽傾向主攻
傑志獲科蘭加盟後近兩場展示強大火力狂轟15球，今仗作為「藍鳥」於本月13日出戰亞冠盃前最後1場本地賽，主教練朱志光表示會讓一些未能出戰亞冠的球員落場︰「球隊今個月本地賽較少，我會睇情況選用一啲亞冠名單以外嘅球員，盡量保持佢哋嘅比賽狀態，唔可以側重一邊，希望攞到平衡，其實過去一兩場都有類似安排。本地賽踢法會較主攻，亞冠始終水平高好多，我哋可能會被動少少，所以打埋今場後，再詳盡啲去部署對唔同對手嘅踢法。」傑志目前分別有前鋒佐迪及左閘丹尼肌肉受創，幸傷勢並不嚴重，惟今仗上陣機會不大。（東網on.cc周六下午2時30分直播）
曾一度以聯賽「3哥」身份完成2017年的夢想FC，踏入新1年卻出師不利，連續兩場聯賽吞敗，主教練梁志榮承認，借將鄭展龍被傑志召回後，球隊需時適應，但他認為今仗對手R&F富力最近在陣式上的改變，或對己隊有利︰「球隊近兩場只係僅敗，除稍欠運氣外，球員喺鄭展龍離隊後亦未能適應踢法上嘅改變。不過富力近期改踢3-5-2陣式，3人防線可能對我哋有利，而喺高梵加盟之後，富力多數喺左路策動攻勢，呢點亦要多加留意。」至於球隊新兵守衞梁家希及翼鋒廖培楓，「細榮Sir」指前者已有一段時間沒正式比賽，但後者上陣機會頗大，前鋒祖亞昆亦已傷愈有望擔正，球隊目前僅得隊長陳偉豪膝傷倦勤。
馬里科鼓勵球員望有改善
作客的R&F富力近期陣容變動頗大，般連奴、麥高派路域及李銳相繼離隊，但就簽入港腳高梵及巴西高大前鋒利安高，或導致表現較飄忽，上仗於主場便吞和富大埔雙蛋。主教練馬里科賽後批評球員未能踢出部署，坦言要為球隊設想更多應變方案，不過他表示高梵在中甲球季完結後，已有兩個月沒有操練，但相信一個月左右高梵便可回復Top Fit狀態。雖然馬里科承認上仗個別球員犯錯感失望，但他強調自己要負上最大責任，不會特別指摘球員，希望球員獲鼓勵後表現能有改善。（東網on.cc周六下午5時30分直播）