日本寫真界10年前有一位混血女神Leah Dizon，擁有絕世美貌又好身材，迷盡老中青男士。時光荏苒，女神已經引退，好在最近就有一位同Leah Dizon無論樣貌同身材都差不多嘅混血美人出現，佢名字叫做Angela芽衣，大家記住佢啦！
提到Leah Dizon呢位曾經風靡一時嘅日本寫真界混血女神，當年日本人見到佢大為驚艷，更加大呼「黑船來航」！所謂「黑船來航」係指日本嘉永6年美國一艘黑色巨型炮艦駛入江戶灣，要求將美國總統嘅國書遞交日本官方，當時美國船堅炮利，為日本人帶來巨大震撼，所以家陣就有人用「黑船來航」嚟形容來自外國嘅巨大震撼。
自Leah Dizon之後，日本寫真界都好少用到呢四個字，直到Angela芽衣出現就唔同喇！芽衣現年20歲，樣子綺麗迷人，散發出一股脫俗秀氣，氣質十足前輩Leah Dizon咁，而呢副混血美貌源自日本人父親及菲律賓人母親。芽衣同好多混血兒一樣，氣質獨特，而且五官標致，同時身材非常出眾，身高5呎7吋，腿長腰幼之外，仲有一對E奶，令胴體更添誘惑及可觀性，加埋白裏透紅嘅肌膚，簡直係上天嘅傑作！
由於芽衣美貌與身材兼備，混血美貌特別出眾，故此出道以來受到各界關注，有人稱呼芽衣為「黑船來航」，亦有人稱之為「黑船再來」，原因係繼Leah Dizon之後，芽衣為日本寫真界帶來嘅另一次巨大震撼，最近亦有人將二人拉埋嚟講，用到「Leah Dizon之再來」嚟形容芽衣。不過，講咁多都冇用，因為芽衣就係芽衣，而阿妹本身亦有好多獨特之處，有待大家慢慢發掘。
芽衣近期人氣急升，其實早喺2014年已經薄有名氣，當年阿妹參加「可愛的女高中生比賽關東大賽」，以壓倒性嘅姿態贏得冠軍，所以當時已經憑住「關東第一可愛少女」之名上位，直到上年芽衣頻頻以泳裝姿態示人，迅即以絕色美貌及誘人身段令人氣再次提升，近期佢唔單止成為雜誌封面女郎，仲獲得好多拍廣告嘅機會，前途一片光明！
簡介：跟好多寫真美人唔同，Angela芽衣嘅Twitter有唔少性感照可以欣賞，但更多嘅係芽衣紓發感情嘅帖文，想了解芽衣嘅內心世界，不妨Click上去睇睇喇！
網址：https://twitter.com/angela_mei01
年齡：20歲
身高：5呎7吋
三圍：35E-24-35
撰文：賢