東方龍獅陽光元朗決戰大球場
今午香港大球場爆發高級組銀牌王者戰，東方龍獅力鬥陽光元朗。今個月面對地獄賽程的東方龍獅，由於中堅基頓成功辦妥特區護照並取得本地球員資格，其外援席位將由新援前鋒般盧頂上，希望在接近「夫添」下爭標；陽光元朗今仗特別安排逾千人的打氣團化身「第12人」，期望相隔半世紀後能奪殊榮，東網on.cc為你送上王者決戰！（東網on.cc周六下午3時直播）
和哥：望球員重建信心
東方龍獅剛踢完兩場硬仗，分別於聯賽對傑志及亞冠盃外圍賽第二圈對越南球隊清化，結果兩戰皆北。對於後防最近不時犯錯導致失球，主教練李健和認為跟球員缺乏信心有關︰「其實上場對清化落後1比2嗰球波，真係有些少放鬆咗，係一個大意橫傳所引致。足球比賽總會有犯錯，問題在於個犯錯會唔會導致你輸波，咁啱呢段時間班球員嘅信心跌得好緊要，有一啲決定出錯亦屬不幸。其實有啲球員同球隊都會犯錯，不過未必導致輸波，就避過一劫。我希望球員心態上可以改變。」
雖然基頓因曾代表過標準流浪出賽，今午無法上陣，但由於他已成功取得本地球員資格，令新援般盧可填補餘下的外援名額，但據「和哥」透露，洛迪古斯與般盧的狀況仍有待觀察，或要待賽前一刻才能決定兩人能否上陣。
達Sir：最緊要踢場好波
出線過程中先後擊敗和富大埔及傑志的陽光元朗，球隊今仗有隊長法比奧受輕傷未知能否趕及上陣，但就有祖連奴刑滿復出，主教練曾昭達稱，希望能夠為球迷踢出一場精彩賽事︰「球隊上下既緊張又興奮，但係我哋都會以平常心去看待今日決賽，因為對手實力真係好強。球隊能夠去到呢個階段，已經係好大嘅收穫，希望可以喺決賽踢場好波。」
問到決賽對手近期戰績不佳，「達Sir」認為不可因而鬆懈︰「其實大家可能會覺得東方近況唔係太好，不過我認為佢哋呢兩場嘅發揮並非太差，即使兩場波都落敗，但佢哋真正嘅表現未有從戰果上反映出嚟。」
