費達拿勞倫斯獎叫兩飛

勞倫斯世界體育獎頒獎禮將於2月27日假摩納哥舉行，大會公布各獎項提名名單，其中年度最佳男運動員獎估計屬兩大熱門人選費達拿與C朗之爭，而費達拿同時獲提名最佳復出獎，有機會起孖。

正在墨爾本爭逐澳網的費達達，去年奪兩項大滿貫「大反彈」，因而入圍候選「男主角」，與C朗、法拉、咸美頓、費路美及「亦敵亦友」的拿度，爭逐殊榮。至於「女主角」最佳女運動員的6名候選人為S威廉絲、列迪姬、麥古露莎、費力絲、塞曼亞及舒芙蓮。

足球界除C朗入圍外，去年贏到盡的皇家馬德里獲提名最佳團隊，得獎呼聲頗高；而巴塞隆拿都唔執輸，獲提名最佳復出獎，提名原因係上屆歐聯16強首回合先輸0比4之下，次回合反勝6比1晉級。