從幾時開始香車同美人會成為絕配？呢個問題真係好難答，只係知道但凡有靚車嘅地方，就有美人同場，令睇頭倍增。講到跟靚車成為絕配嘅模特兒，嚟自南韓嘅崔侑廷絕對係其中之一，理由唔單止在於佢出眾嘅外形，優雅氣質更係成為絕配嘅關鍵。
要成為車模界嘅標誌人物，除咗要有樣有身材，仲要有氣質，崔侑廷正係一個好例子。名副其實美貌與身材兼備嘅佢，早喺在學階段已經成為校內嘅風頭躉，加上優雅嘅氣質，更被人賦予「公主」嘅稱號。當時佢希望畢業後喺商界發展，從未諗過會成為模特兒，就喺一次偶然嘅機會下，佢參與朋友嘅短片攝製工作，飾演其中一個角色，估唔到呢次演出，竟然引起模特兒事務所注意，邀請佢加入模特兒行列，對方坦言崔侑廷出眾嘅樣貌及前凸後趷嘅身材，加埋優雅嘅氣質，深信未來可以喺模特兒界中取得一定嘅成就。由於當時佢對模特兒工作一無所知，故此起初婉拒對方邀請，不過對方並冇放棄，不停咁游說，終於喺2005年佢以18歲之齡加入模特兒界，正式開始職業模特兒生涯。
按南韓模特兒界一般做法，會先讓初出道嘅模特兒喺攝影界中打滾一段時間，然後才進軍車模界或賽車女郎界，不過事務所對崔侑廷好有信心，甫出道就安排佢以車模身份為外國汽車品牌站台，雖然係初次演出，卻憑住淡定表現，成為展場中嘅焦點之一，同時佢亦跟汽車結下不解緣。
自呢次成功處女登場後，崔侑廷便頻頻以車模身份喺多個大型車展上亮相。及後，佢以賽車女郎身份於賽車活動上登場，換上性感賽車女郎制服嘅佢，將激凸上圍盡情展現，令人氣火速飆升。本來有媒體想搵佢拍寫真，但由於工作實在太忙碌，抽唔到時間拍攝，只能專注於呢兩個界別上發展。不過佢嘅專注係有回報嘅，獲得賽車隊伍邀請成為專屬賽車女郎，與此同時佢嘅人氣去到高峰。有見及此，模特兒事務所推薦佢參加賽車女郎比賽，結果阿妹不負眾望奪得冠軍，從此奠定佢喺車模及賽車女郎界嘅地位，甚至有人話如果冇佢出席嘅汽車或賽車活動，都好難稱得上係國際級盛會添！
近年崔侑廷開始加入攝影模特兒界，可能有人會覺得佢以熟女之齡才當攝影模特兒有啲突兀，事關呢個界別通常係新進青春模特兒嘅集中地，對佢嚟講會唔會缺乏競爭力呢？實情係散發成熟女人味嘅崔侑廷，對唔少攝影師嚟講別有一番味道，展現出傳統女性美，難怪佢至今仍然喺南韓模特兒界擁有相當高嘅人氣。
簡介：屈指一算，崔侑廷喺模特兒界已經打滾咗13年，由青春少女到現在嘅迷人熟女，每個階段都展現出唔同嘅女性美，唯一一樣不變嘅就係火辣身材，尤其係激凸上圍，至今仍然成為鏡頭嘅焦點。如果大家想了解佢多啲，就要Click入呢個網站啦！
網址：http://cafe.daum.net/racingqueenyujung
出生地：首爾
身高：172cm
三圍：35-23-34
撰文：魂