唐偉楓多得「貴人」Marchy指導

現年22歲的唐偉楓(Shaun)的職業路走來不易,但他甘願為熱愛的運動作出犧牲,加上家人無限量支持及「貴人」李英健的指導,終於鍊成新一代「少年車神」,並勇於在今日出戰杜拜24小時耐力賽時肩負重任!

以賽道比喻車手生涯,Shaun以「順利」來形容,只因一路上獲家人支持:「賽車運動存在風險,父母當然有擔心,我要多謝佢哋嘅體諒。最感動係用好多時間說服媽媽,畀我鬥第一場小型賽車,佢肯踏出第一步去深入了解,到依家每場賽事都有到場睇,令賽車變成家庭活動,一家人關係更close。」去年與李英健(Marchy)合作出戰寶珀GT亞洲系列賽,最後一戰在大有機會贏得總冠軍下,自己發生意外失落冠軍,成為Shaun最難忘一役,不過認識Marchy這位貴人,卻成為Shaun車手路的轉捩點:「佢教我最多未必係技術,係作為職業車手要具備咩心理質素,意外係賽車一部分,職業車手要接受到輸贏。佢仲教我要點樣應對贊助商同建立形象,無佢帶我行一條啱嘅路,我都唔會有今日嘅成績。」

19歲挑戰「綠色地獄」

2014年Shaun以19歲之齡首戰有「綠色地獄」之稱的紐布靈24小時耐力賽,至今已累積一定的耐力賽經驗,他稱:「好自豪今次係代表香港出賽,身份唔同咗,責任亦都唔同。呢幾年多咗耐力賽知識,明白穩定係最重要,揸夜晚亦更有信心。我體能較好,可以在天氣熱時揸較長時間,發揮我喺隊中嘅角色,亦希望藉今次向前輩吸收更多經驗。」