香港飛馬夜戰陽光元朗
踏入新一年港超聯重開第一擊，香港飛馬今晚8時假香港大球場迎戰陽光元朗，這亦是「Mr.Right」高美斯重返香港球壇首演。香港飛馬主帥楊正光期望，由高美斯、查維斯和利馬組成的進攻鐵三角，能產生預期的化學作用，球隊的鋒力和娛樂性能同時提升。
進攻鐵三角娛樂性高
上半季演出大獲好評的香港飛馬，為加強下半季的爭霸本錢，簽入前南華神鋒高美斯，配合「着晒火」的查維斯和利馬，為球迷們帶來無限憧憬。「唔止會方有好大期望，連高美斯本人都好想交到貨，佢知道好多球迷支持佢，唔想令大家失望。」「光Sir」表示如無意外，今仗會安排高美斯正選上陣，至於其位置上與射手查維斯如何配搭，則待臨場再決定。
前線上多了高美斯，但後防卻缺少了羅斯，該名中堅早前勇戰受傷後，迄今未十足痊愈，今仗肯定缺陣，鎮守後防的重任，自然落在省港盃奪標功臣、港隊隊長張志勇身上，至於其拍檔則有可能換上麥保美或「細佬」梁諾恆。
陽光元朗方面，因主力談樂軒於省港盃次回合勇戰重創，迫使主帥曾昭達無奈變陣出擊，他謂：「談樂軒因傷缺陣冇人想，其他隊友會搏埋佢嗰份，慶幸葉子俊經已好番晒，陳衍光同雲迪奴域亦準備好復出，人腳調動方面應該唔成問題。飛馬喺「光哥」帶領下，上半季表現非常好，依家多埋高美斯，我哋一定要打醒十二分精神。」「o靚仔」談樂軒為港隊勇戰受傷，陽光元朗球迷為表揚他的拚搏精神，發起今仗進行到33分鐘時，為身穿元朗33號球衣的他拍掌致意。