Rex眼球未消腫恐有後患

擔心視覺受損的曹星如，希望身體盡快復原，可以再上擂台。

曹星如在2017年10月7日與日本拳手河野公平一戰，相信大家依然歷歷在目，當時Rex在第2回合與對手「頭撼頭」，額頭與左眼嚴重腫起，但他繼續奮戰，最後憑點數贏出，充分展現香港人「打不死精神」。昨日Rex在傷後首次出席代言活動，雖然左額不像賽後「外星人」一般，但並未完全消腫，眼窩瘀血亦未完全消退，他坦言自己目前需要繼續休息，重返擂台需要再等等：「傷勢有好明顯改善，但康復到一個位就停咗，好似唔識好咁；睇完眼科醫生都話眼球未消腫，我都希望可以愈快好番愈好。」

日前中國拳王鄒市明突然失明，被問到同樣眼球受傷的Rex會否擔心，他表示：「聽到呢個消息真係好擔心，之前本身都冇咁憂心，但醫生講到好嚴重，講到我都驚！」同樣作為拳手，對於鄒市明的情況，Rex送上祝福：「希望佢早日康復，大家都係拳擊運動員，見到佢傷成咁，自己都唔係咁好過。」

Rex養傷期打空拳過心癮。

之前火併河野公平，Rex（右）無視傷勢搏到盡。

養傷期打空拳過心癮

踏入2018年第2日，被問到有甚麼新年願望，曹星如表示：「希望身體早日康復，亦希望所有香港人開開心心。」在養傷期間除有更多時間陪老婆之外，Rex亦搞笑表示自己會跑步，並且在家中打空拳，一解拳擊心癮。雖然暫時未有復出時間表，但他仍然希望保持良好狀態，繼續為未來做好準備。