桌球壇傳奇球手「火箭」奧蘇里雲於社交網搞問答環節，突然話嫌世界賽太悶隨時唔打，走去拍電視節目好過喎！奧蘇里雲在問答環節中表示，5月去澳洲拍新一季電視桌球真人騷，但可能與4月21日打到5月7日的世界桌球錦標賽撞時間：「我可能唔打呀！克魯斯堡（世界賽比賽場地）打親都好耐，呢個係我最唔鍾意嘅比賽，況且我依家都有好多排名積分在手，唔使咁搏命打咁多比賽啦！」