寶覺挫裘錦秋 4強鬥張振興

寶覺（紅衫）打出爭氣波，８強淘汰裘錦秋。

寶覺隊長韓兆偉多次咆哮振奮士氣，贏波後激動「掉衫」，他透露是將教練梁民熊的「恥笑」轉化成動力：「Bear（梁民熊）笑我3分波十幾射中0，我練波後特登留低特訓，今日終於入畀佢睇！」由當年的「小薯」到今日做隊長，韓兆偉希望隊友享受過程，4強火併張振興再創佳績。

男拔萃闖關遇英華 上屆決賽翻版

衞冕的英華與漢華合演「雙華大戰」，吸引過百球迷逼爆調景嶺體育館。漢華首節由何國良及丁旨鋒合作轟入11分，一度領前14比5。落後的英華有俞資俊及龍子傑分別攻入17分及13分，率領球隊自第3節開始反先。即使最後兩分半鐘時漢華曾追至44比47，但英華頻獲罰球得分，最終贏58比49。英華教練朱耀明指球員初段緊張忘記部署，幸再次殺入4強，朱Sir認為有兩個字最重要：「搏命！我哋喺九龍區D1賽輸唔係輸技術，而係經驗同心態。球隊上下都想贏，一齊盡全力去做。」

男拔萃（左）輕鬆擊敗林大輝，盡顯實力。	「雙華大戰」，衞冕的英華（右）技勝一籌。	寶覺韓兆偉咆哮振士氣。

另一熱門男拔萃則輕鬆大勝林大輝，4強再硬撼「宿敵」英華，隊長梁嘉顥認為男拔萃有優勢：「英華打法依靠外線，我哋目標係企好位堵住佢哋外線，葉耀邦喺內線就有優勢，希望可早啲拉開分差，有信心報番去年決賽一敗之仇！」