格連復出KO湖人勇士11連勝

今場勇士於第2節已經甩開分數，雖然打到第4節戰情比較緊湊，不過杜蘭特有33分、7個籃板同7次助攻，奇利湯臣有16分、1個籃板同1次助攻，加上積蒙格連有13分、11個籃板同7次助攻，協助勇士完成11連勝，同時今季第3次擊敗湖人。

夏登又51分火箭照輸

事實上，積蒙格連復出的確好重要，因為勇士教練卡爾證實，史堤芬居里有99.9%機會，錯過勇士對騎士的聖誕大戰，為令「咖喱仔」安心休息，實在很需要積蒙格連復出搏殺。另一方面，波爾貢獻了24分、5個籃板同5次助攻，可惜湖人始終要輸。

同日，火箭主場以118比128不敵快艇，遭遇2連敗，占士夏登取得51分、4個籃板同8次助攻，可惜基斯保羅因傷缺陣冇得倒戈，即使夏登連續2場拎到51分，依然因為單打獨鬥負擔太重，幫唔到火箭贏波。