東網今午5時直播最強站立格鬥
「不如畀我打多一次吖？因為過多2、3年，想打都再打唔到。」向柏榮師傅在今年9月16日前赴東京後樂園挑戰「人力車伕」坂本優起前，在訪問中流下男兒淚，道出自己在37歲決定復出之原因。
2002年為香港勇奪世界業餘泰拳冠軍的「轟炸機」向柏榮，2007年成為首位出戰日本K-1的香港拳手，同年奪WMC洲際拳王金腰帶，兩年後更高舉起WMC世界拳王金腰帶，十多年來戰績彪炳。但在2012年12月一次賽事落敗後，「向師傅」不僅錯失了之後代表香港出戰的機會，自此更再沒有賽事搞手聯絡他。一息間，仿佛變成了拳壇「路人甲」。
沒有比賽的日子，還是要生活，身為一家之主，「向師傅」5年來全力發展拳館生意，一心一意做其「師傅」，收學生、教徒弟，閒時送仔女上學或跟愛妻Eva拍拖，過着大部分人追求的「上岸」生活。「其實我好唔甘心，呢5年我過緊嘅並唔係『向柏榮』嘅生活，我好想再打一次，唔係想贏邊個、贏咩腰帶，淨係想贏番『向柏榮』返嚟！」
結果「向師傅」決定「年老輕狂」，今年7月全面復出，但並非出戰擅長的泰拳，而是以「初哥」身分挑戰Shoot Boxing！作為一名新丁，「向師傅」要由外卡賽打起，再到專業賽，9月作客東京後樂園，與坂本優起惡鬥4個回合後，最終以點數獲勝。凱旋回歸的「向師傅」說過，希望大家不要聚焦在他的年齡：「37歲又點？好多運動員到咗40、50歲，都仍然喺自己熱愛嘅範疇上付出血汗。由決定復出嗰日開始，我就不斷『自己呃自己』，自己仲好後生同好弗、仲係巔峰，只有咁先可以操番起。過程好辛苦，畢竟我已經有5年無正式操過。」
主場出擊具120%信心
首度出國作戰的「人力車伕」今番殺氣沖天，誓言贏番向師傅一次，要在港把「拳王金腰帶」帶回日本，見慣大場面的「向師傅」堅定地回應：「今次減磅只需減兩公斤，唔算太辛苦，上次贏咗佢返嚟後，我有加強力量訓練，加上今次主場出擊，我有120%信心勝出！可以親身入場支持我當然最好，但就算唔入場都可以睇直播，希望大家為我打氣！」