張穎嵐用柔道見識世界
「其實男同女冇分咩斯唔斯文、粗唔粗魯，你鍾意就會投入呢項運動。」柔道選手在場上搏鬥，「撻來撻去」難免受傷，要女孩打破傳統觀念絕不易。不過年僅16歲的香港柔道女將張穎嵐，幼稚園起就參加興趣班，自此愛上柔道帶給她的一切：「柔道畀到好多機會我去接觸世界，見識世界有幾大。」
首次參加亞洲柔道公開賽，張穎嵐昨日成為唯一的東道主選手，出戰女子63公斤以下級別賽事，首戰只花7秒就極速以「一本勝」贏出；不過其後面對頭號種子菲律賓的渡邊聖未，被控制戰局下落敗，轉戰復活賽亦不敵蒙古選手，8強「畢業」。年紀輕輕雖有好勝心，但張穎嵐並未對輸贏看得太重：「入唔到4強係有啲遺憾，不過我年紀仲細，有好多機會畀我喺世界舞台發揮，比賽都係盡量攞經驗。我覺得3場比賽表現都係水準之上，對住國際性選手都做出平時訓練嘅招數。最大得着係心理上，遇上任何對手都唔可以低估人，最重要係唔可以低估自己，做番自己就得！」
效法師姐梁寶心做全職運動員
運動員背後得到的支持，從來是最大動力，張穎嵐在家中曾大吐苦水，不過媽媽一句「係你話要打，你就要付出」，令她銘記於心，成為全職運動員路途崎嶇，她亦希望以師姐梁寶心為目標：「佢係我好佩服嘅一個運動員，佢今個暑假喺世錦賽入到16強，係一件好驕傲嘅事，令我有信心繼續行呢條路。」