教大波牛趙少維:追冇諗過嘅夢

網絡常流傳「大學生要做的11件事」等文章,內容離不開叫步入大學的莘莘學子上課要專心、出外闖闖、追追夢,閱畢能踏出那一步的又有幾多人?就讀香港教育大學二年級的趙少維「牛仔」卻把握青春,選擇於大學時期追一個發夢也沒想過能實現的足球夢。

趙少維的足球路始於「街場」,自小喜愛足球的他年幼時常與好友征戰各街場,終於15歲那年加入荃灣區隊接受訓練,2015年更加盟香港超級聯賽球隊黃大仙,同時代表教育大學出戰各大專賽事。

一場友賽改變人生

司職前鋒的他於教大與大埔的一仗友賽,因出色表現獲和富大埔主教練李志堅賞識,經一輪試腳後與隊友梁星耀獲大埔開出一紙合約,從此走上職業足球生涯。「從來都無諗過會成為職業球員,細個一直都係玩玩吓,『堅Sir』搵我嘅時候有啲受寵若驚,真係無諗過會踢有力爭標嘅球會,所以好珍惜呢個機會。短期目標希望多啲參與比賽、爭取上陣機會,同時幫球隊衞冕菁英盃,報答『堅Sir』! 」

縱然踏上職業足球的無盡旅途、穿上大埔90號球衣,自言比同齡隊友如陳俊樂等遲起步的「牛仔」,面對的是更大壓力、更密集的訓練:「我比同年嘅球員遲起步,一直無接受正統訓練,所以基本功一般。起步遲惟有勤力啲,將勤補拙追番失去嘅時間,練完波又有時間,人哋走晒自己咪再練多啲footwork、射波同傳控球。 」

reg科夾球隊訓練時間

現年21歲的「牛仔」現為體育教育榮譽學士的二年級生,常要大學、球場兩邊走,練習時間並不多。「自己要兼顧學業,好多時功課許可嘅話就早啲做,reg科都盡量揀啲唔撞練波時間嘅堂,盡夾球隊訓練時間,不過一星期都只係嚟到一、兩日。練波加上堂其實都幾chur,有時要好早起身上完堂,再趕過嚟練波。係辛苦,但係自己鍾意,幾辛苦都值得!」

圖/文:胡恩晴

本周賽程

12月2日(六)

中銀人壽香港超級聯賽

標準流浪 Vs 理文

深水埗運動場 下午2時30分

$80、$30(特惠票)

菁英盃分組賽(B組)

R&F富力 Vs 香港飛馬

將軍澳運動場 下午5時30分

$80、$30(特惠票)

12月3日(日)

菁英盃分組賽(B組)

冠忠南區 Vs 傑志

斧山道運動場 下午2時30分

$80、$30(特惠票)

菁英盃分組賽(A組)

東方龍獅 Vs 夢想FC

將軍澳運動場 下午5時30分

$80、$30(特惠票)