東網直播 將軍澳激鬥 理文香港飛馬求分大戰
「中銀人壽香港超級聯賽」今日上演兩場好戲，當中於將軍澳運動場上演的尾場理文主場迎戰香港飛馬，為上月因颱風襲港而取消的賽事作補賽。暫列第9的理文望搶分改善排名，雖有佐迪因傷仍未能復出，但領隊馮嘉奇對球員充滿信心，期望踢出悅目一仗；聯賽榜「2哥」香港飛馬亦盼全取3分追趕傑志，一場求「分」大戰，東網為你獻上！
（東網on.cc周六下午5時30分直播）
上仗作客廣州燕子崗的理文，最終在佐迪及黃駿軒兩人因傷缺陣下，以一球見負，對於兩名傷兵今仗或未能趕及復出，領隊「馮奇」表示對其他球員投下信心一票︰「上場喺佐迪缺陣下，球隊嘅進攻多少有影響。不過我哋唔想太倚重個別球員，作為替補嘅文家永同史提芬彭利拿上場都有唔錯演出，希望做到任何球員隨時都準備好上陣。」
信心動搖 馮奇盼球員忘記過去
「馮奇」坦言隊中部分球員的信心因近期戰績受影響，惟寄望他們能夠忘記過去︰「有啲球員嘅信心因為之前輸波受打擊，從而影響表現，但係佢哋係有能力嘅。足球好視乎臨場發揮，假若對手持續強攻，到時就會有空位出現，可乘機反擊，希望球隊踢場好睇嘅賽事畀球迷。」
在兩項盃賽及聯賽錄得3連敗後，香港飛馬上仗落後兩球下，憑澳洲前鋒查維斯梅開二度以3比2反勝和富大埔，登上聯賽次席之餘，亦將與榜首傑志之間差距收窄至3分。主教練楊正光坦承，上場勝仗有如「及時雨」︰「每支球隊都會有高低潮，我哋喺銀牌同菁英盃都輸波，能夠贏番場『士氣波』好緊要。我亦吸取咗對流浪場波嘅教訓，檢討邊度做得唔好。」雖然理文最近幾仗戰績並不太理想，「光Sir」提醒球員要提防對手反擊︰「利馬傷愈復出，加上梁嘉恆開始復操，球隊總算逐漸重返正軌，但理文擅於快速反擊，所以後防要有好強嘅紀律去應付。」