李志豪牛一入波東方龍獅2連勝
港超聯昨晚重燃戰火，由東方龍獅假旺角大球場迎戰冠忠南區。兩軍上半場互有攻守，但無紀錄。易邊後東方龍獅有「虎哥」李志豪於78分鐘入球，為自己賀壽之餘，亦協助球隊以1比0擊敗冠忠南區。
兩軍開賽初段表現積極、互有攻守，東方龍獅9分鐘先得罰球機會，由沙巴右路送入禁區惜被謝德謙一手接實。客軍亦表現生猛，梁子駿13分鐘右路扭過敵衞起腳可惜只中網側。東方於14分鐘製造出極具威脅的攻門，沙巴開出中路罰球放入禁區，賽前獲選為10月最有價值球員的洛迪古斯頭槌攻門，惜被謝德謙沒收。南區的基奧26分鐘接應陳港斌左路傳送，窄位起腳惜省中敵衞。44分鐘，沙巴接應羅港威傳中，禁區頂斬入禁區，惟無人接應攻勢告一段落。兩軍戰至補時仍未有入球，半場互交白卷。
冠忠南區末段打少兩個
易邊後，東方龍獅繼續強攻，迪高48分鐘左路挑入禁區，皮球被謝德謙抱實。客軍冠忠南區亦愈踢愈有，先於50分鐘博得左路罰球機會，可惜門前無球員接應。58分鐘再有黃金攻門機會，基奧門前接應隊友傳送，欲轉身抽射惟過不到敵衞。73分鐘，主隊得到罰球機會，勞高勁射被擋出。75分鐘，徐德帥禁區頂傳到門前，被基奧頭槌解圍。
主隊78分鐘終於打破僵局，徐德帥右路斬入禁區，昨天生日的「虎哥」李志豪把球撞入，為球隊先開紀錄。由於換人名額已用盡，馬天尼斯的重創離場，本已令冠忠南區要無奈打少1人，加上梁子駿向球證投訴過激領第二面黃牌，致該隊尾段需要以9打11。及後本已被換出的陸志豪，因被球證指他在後備席前侵犯對方球員，又遭紅牌驅逐離場。冠忠南區戰至補時仍未能扳平，主隊守住1比0勝果至完場。
贏波功臣李志豪賽後感謝太太和女兒入場支持 ：「生日即有波入！ 咁多年終於等到啦！多謝太太、囡囡入場支持，希望佢哋繼續入場，我就繼續入波！今場我哋贏到波，肯定穩定到軍心，連贏兩場個心都定晒！ 」
．本周賽程．
11月18日(六)
中銀人壽香港超級聯賽
R&F富力 Vs 理文
廣州燕子崗體育場
下午2時30分
$50(港元)
11月19日(日)
中銀人壽香港超級聯賽
夢想FC Vs 標準流浪
青衣運動場
下午2時30分
$60、$20(特惠票)
陽光元朗 Vs 傑志
元朗大球場
下午5時30分
$60、$20(特惠票)