擁有俊朗外表的Peter，周四（26日）就會正式同未婚妻Alice拉埋天窗，日前他在社交網站笑言，對於快被「私有化」感到緊張。Peter透露婚禮的伴郎會由親細佬擔任，還笑說很多球圈朋友都要練波，因此「費事阻住人」，只有幾位好友，如陳偉豪及陳肇麒，會齊齊為他做兄弟。
於香港飛馬擔任行政、溝通工作已有一段時間，但Peter今次都仲係畀準備婚事考起：「好多嘢都要安排，而且好急，所以都好辛苦。最難搞就係同女朋友溝通，揀婚紗、揀相、排位等等咩都拗，不過我好聽話，都係畀佢鬧多。唔好再鬧我啦Alice，好辛苦呀我。Alice你真係好正、好靚，冇咩要彈你，你咩都識，我就咩都唔識，希望你體諒我，我愛你Alice！」咁Sweet，相信準文太聽到，一定冧到爆啦！