再贏全英賽 吳安儀：好掛住港式奶茶

1日3戰最後砌低伊雲絲

安儀昨在4強與「火箭」奧蘇里雲表妹、英國球手卡坦蘭奴對戰，以4比2擊敗對方成功躋身決賽，出戰11屆冠軍英國球手伊雲絲。這次是繼去年後，二人再度於WLBS決賽爭勝。安儀先贏得兩局後，被對方追回一局，不過最後都以局數4比1贏得賽事，勇奪冠軍，賽事結束後，她更興奮得擁吻獎盃。

吳安儀賽後於Facebook上載捧盃相同網友分享喜悅，留言說好掛住香港：「開心到唔知講乜好，只係記得有邊幾隻波打得唔好。話說我由早上11點開始打8強，打完決賽已經係晚上9點30分，中途有2次要好極速食三文治補充體力就去開波。剛剛同班隊友食完中餐，依家喺酒店收拾行裝返香港，不過都要同你哋報喜先。好掛住香港嘢食，差唔多3個禮拜冇飲凍奶茶。」「安儀」會乘搭航班BA31，今午1時40分返抵香港。