對於香港飛馬能夠在東方龍獅身上全取3分，並登上榜首，主教練楊正光賽後指出，頂替傷兵上陣的球員是今場致勝關鍵︰「今日有好多意外發生，幸好替補嘅球員都有好表現，我相信呢個係致勝關鍵。比賽講Team Work，每個球員都非常重要，所以每個球員都要裝備自己。如果要喺聯賽爭取好成績，我哋整體力量要加強，後備席嘅力量亦要加強，今日好開心見到黃俊皓同袁皓俊都表現出色。」
至於球隊會否以聯賽冠軍為目標，「光Sir」則謙稱會按部就班：「球隊之前定下嘅長期同短期目標，希望喺聯賽爭取高排名，依家擁有優勢，球員信心同士氣都有所提升，都希望可以喺聯賽同盃賽更上一層樓。」