今午東京鬥前拳王向柏榮：我有信心贏！

為挑戰今年12月在香港舉行的「拳王戰」，繼今年8月闖過「外卡賽」一關，擊敗年僅19歲的對手後，「向師傅」今午會出戰「拳王戰」主賽圈，火併今年初才失落腰帶的前任拳王坂本優起。昨日在配磅及賽前記者會上，顯得信心爆棚的向柏榮表示，十分滿意今場的備戰工作，而且身心的反應都比去仗正面：「上場對後生仔，我要由80公斤減到落70公斤，加上休戰太耐，所以好辛苦。加上臨場發揮唔太理想，最後雖然贏咗，但我嘅信心反而動搖咗。但今次備戰對坂本，我只係需要減5公斤，加上有運動心理學嘅朋友幫手，同訓練團隊支援，生理同心理狀態都比之前好好多。」

「車伕」坂本優起手力強

對於坂本的特點，「向師傅」謂透過多次觀看對方的比賽錄影，覺得他是一個技術體能兼備的拳手，組合拳的威力很大。「聽聞佢有兼顧人力車伕嘅工作，所以佢擁有好強嘅手力同衝刺力，不過處理長距離同纏鬥方面就好似好一般，我對自己好有信心，希望大家可以支持我！」

「向師傅」對坂本優起的Shoot Boxing 系列賽70公斤級賽事，預計香港時間下午5時30分展開。「轟炸機」今次征日除帶同8人工作團隊外，還有超過20名香港支持者親臨打氣。

向柏榮

出生日期：1980年10月7日

年齡：36歲

身高：172cm

體重：70公斤

戰績：48戰35勝(22KO)13敗

坂本優起

出生日期：1984年7月14日

年齡：33歲

身高：175cm

體重：75公斤

戰績：35戰26勝(5KO)9敗

戴陶蔚東京直擊