新環境、新文化，一切重新開始，羅拔圖新挑戰的路難行，要適應或者先要從語言開始，他表示：「廣州同香港不論基建、交通同安全感都有唔同，好彩我都適應得唔錯，不過最搞唔掂係語言，因為呢度講英文無喺香港咁普遍，所以我要好努力咁學好廣東話同普通話！」
在廣州言語不通，羅拔圖大呻「好悶」，他透露平時的消閒活動就只有睇書、睇戲及健身。幸好，廣州有一些巴西燒烤店，令他可以品嘗家鄉風味。富力隊中亦有般連奴、基奧雲尼及伊達等巴西同鄉，相信這些燒烤店未來或會成為他們的聚腳地！
羅拔圖與太太在港組織家庭，現時老婆與囡囡Elizabeth仍居於香港，與家人分隔兩地，羅拔圖只可每個周末返港相聚，靠通訊軟件解相思苦：「我每日會Facetime好多次，同家人維繫感情。由於老婆依家有咗身孕，所以傾緊好唔好安排佢哋搬上廣州住，不過，始終我哋對呢度嘅醫院同醫生都唔太認識，我亦好想BB喺香港出世，想佢做香港人。」羅拔圖又指同時要為Elizabeth找學校而煩惱，好爸爸認真唔易做。