東網直播YOKKAO 25&26泰拳賽 香港拳王火拼泰國「實力派」

（東網on.cc周一晚上7時直播）

大會昨日進行過磅儀式，讓一眾拳手於賽前「交流」一番，當中曾連續兩屆成為香港75KG金腰帶拳王的林博敏（Billy），將火拼泰國殿堂級拳手醒猜的入室弟子Ehran，兩人於過磅後對望均殺氣十足，Billy更高舉雙手「示威」，大戰氣氛強烈。

林博敏︰今次操得最足

雖然對手技術超群，但Billy強調會憑意志戰鬥到底：「Ehran有一定技術，但我近3個月不停咁地獄式訓練，係操得最足嘅一次，希望靠體能同意志去力抗到最後一刻。我有9成信心可以贏出，狀態已經Ready好，好想快啲上擂台。」將獲家人及朋友親身撐場的Billy又認為主場優勢大有幫助：「聽到佢哋嗌大聲啲，我都會打大力啲！」至於吳景聰就要硬撼另一泰國拳手育猜，坐擁4條香港A組金腰帶的他，就揚言自己力量較對方優勝，希望利用壓逼加上靈活走位，於主場高奏凱歌。

吳景聰	醒猜以「黑超Look」亮相，成為全場焦點。

醒猜「黑超Look」過磅搶鏡

今次賽事另一焦點，落在壓軸出場的現役世界冠軍級拳手醒猜身上，他於350場職業賽事生涯中，錄得超過290場勝利，更擁有用他名字命名的「醒猜踢（Saenchai Kick）」，這招單手按地後作側手翻旋踢的「必殺技」，令他迷倒一眾拳迷。昨日記者會上醒猜更以「黑超Look」示人，有型之餘亦極具星味，難怪多位拳手都爭相上前與他合照，其中一位就是2016年香港泰拳冠軍戰51KG女拳王郭海寧，能與偶像同場作賽，她既興奮又緊張：「好興奮可以同佢同場，但都緊張自己場比賽，好彩有師傅嚟睇我過磅，當係一支強心針，有佢哋陪住我個人都會定啲。」

「萬人迷」醒猜屆時將會接受西班牙拳手Jonathan Fabian挑戰，他表示將會使出真功夫，透過最佳的技術及表現去報答香港拳迷支持，各位拳迷記得到時留意東網on.cc直播。

今日交鋒的港泰拳手在過磅儀式上合照。

港將郭海寧今日會同Donus一決高下。