首奪大滿貫激袋2900萬 絲蒂芬絲訪港玩保誠網賽

養傷11個月 今年7月始復出

今次是美網公開賽年代史上第2次，由兩名首次殺入決賽的女球手爭冠。絲蒂芬絲只花了61分鐘，就直落兩盤創造歷史。「小細威」今場只出現6次「無壓力失誤」，表現近乎完美。其實絲蒂芬絲之前因傷休戰了11個月，直到今年7月才復出，今個賽季原本只贏得31萬美元（約242萬港元）獎金，但在今次美網卻如拉老虎機拉出巨額Jackpot，頓時成為超級富婆。

絲蒂芬絲興奮表示：「你哋有冇見到嗰位女士畀張支票我呀？如果咁都唔會激勵到你去打網球，我諗冇其他嘢可以囉！」絲蒂芬絲更笑言其手下敗將兼好友姬絲，今場都是「笑住輸」：「佢慘？佢都入到決賽呀，你有冇睇到佢收嗰張支票？我肯定佢收貨啦！」姬絲的亞軍獎金亦有182.5萬美元（約1,426萬港元）。

「小細威」要爭取「錢」途，下月即有好機會，事關她已落實出戰於10月7至15日在香港維園舉行的保誠香港網球錦標賽，與「大威」V威廉絲，波蘭美女華雲絲嘉及「丹麥甜心」禾絲妮雅琪等高手爭逐冠軍，各位球迷到時大飽眼福！