打場好波畀觀眾睇
談到周日的決賽，作為領軍人物的馮嘉豪就話，希望打場好波畀觀眾睇：「曾經喺大專盃4強對過理大，當時我哋半場輸廿幾分，觀眾都開始走，第3節開始力追，部分走咗嘅觀眾都返番嚟睇，最後追到淨係輸一兩分，雖然係輸，但至少唔好輸得核突。今場決賽有直播，亦都會有好多觀眾入場睇，唔想佢哋問點解出場嘅係教大，而唔係浸大同城大，我哋要證明教大都可以打場好波！」他又話教大雖然實力不及理大，但會堅持團結精神，「爛命到底」：「理大實力一定喺我哋之上，我哋Chur到對手好辛苦先得分，已經係好波。唔夠人高唔夠大隻惟有跑多啲，人哋1打1逐個秤都贏，我哋惟有靠團結！」
