喺蘇格蘭上演嘅世界羽毛球錦標賽，港將傳嚟好消息，伍家朗及黃永棋尋日一齊贏波打入男單16強，其中9號種子伍家朗以21比10及21比15擊退意大利馬達洛尼；而黃永棋面對日本球手常山幹太，則要打至決勝局先「刁時」險勝26比24，局數贏2比1晉級。而5號種子中國諶龍對住印尼球手索尼，只用咗44分鐘就直落贏兩局21比13及21比9，同樣晉級16強。